Tinik tulad ng kasalanan

please use transalate to read this post ------>

Ang sakit palang matinik ng isda
parang kinukonsensya pag nagkasala

kada lunok may aray
maliit na tinik ngunit di mahimlay
parang kinukonsensya pag nagkasala
munting tinig masakit ngunit pinapag walang bahala

sinong dapat sisihin
ako ang kumain?
parang pag nagkasala;
di makaahon, nakarapa.

Na saan ang papawi
munting tinik pakihawi
nang maibsan yaring kirot
pag aalala ang dulot

sinubukan munang kumain
ngunit hindi saging
wala raw saging;
batid nila ang hinain

parang pagtatakip ng ibang bagay
ang nagkasala, dito gamay.

alam ang solusyon
ngunit hindi maparoon
ito lang ang papawi
kada takip, sakit ang yari

kung may saging lang,
kung mabibigyan higit pa sa kulang
agad kakainin, uubusin
nang munting tinik madala pailalim

sinong magkakawang gawa
upang maibsan lang pagka tinik na lumala
parang kasalanang gustong bitawan
pagkat lugmok sa kadiliman

kung may lalapit lang at dala'y mensahe
balitang minsang may nagsabi
ito'y pakikinggan
pangangalandakan.

kirot ng kunsensya'y titigil
bagong buhay walang pipigil

tulad ng saging para sa tinik
sa solusyong ito'y mananalig
na aking kasalanan
kaniyang pinagbayaran

humilom lang aking buhay
ipinalit ang kaniya bilang alay
pinawi ang galit ng Ama
sa pagsunod sabi ng banal na letra

di tulad kong mahina
buong puso siya'y nagpakumbaba
yaman ng buong kalawakan
isang iglap ay iniwan
upang maranasan
ngayoy' aking pinagdaraan

pait ng maling buhay
tiniis, pinasan, humihingang patay
kaya't salamat Hesus;
purihin ka.

tinanggal ang tinik
pinalitan ng pagsabik
na ika'y makilala
bawat araw, habang humihinga

marami pang lugmok sa kadiliman
mangusap ka't ako'y bigyan
ng lakas ng loob na mensahe'y ihayag
ito ang solusyon ng pagbabagong hindi maipalawanag

Salamat Hesus,
salamat.
purihin ka
ikaw lang ang itaas.